Dy muaj pa e takuar, Mozzik rrëfen periudhën e vështirë të izolimit larg Hanës

28 April 2020 - 22:32

Izolimi në shtëpi e ka detyruar reperin Mozzik të mos e takojë dot të voglën e tij, Hanën.

Siç dihet, vogëlushja jeton me të ëmën, Loredanën, që prej ndarjes së çiftit disa kohë më parë.

Këto duhet të jenë ditë të vështira për reperin Mozzik, i cili ka ndarë pak nga dhimbja e tij me publikun gjatë intervistës.

Reperi ka treguar se nuk e ka takuar të bijën prej dy muajsh dhe sigurisht që po digjet nga malli për të.

Ai shpreson që gjithçka të mbarojë sa më shpejt, pasi gjëja e parë që do të bëjë sapo të dalë nga karantina është të takojë Hanën.

Pavarësisht largësisë, Mozzik ka treguar se komunikon çdo ditë me kamer me të bijën, për t’u ndjerë më pranë saj.

“I ka dy muaj që s’e kam taku, por kontaktojmë ditë për ditë. Kemi kontakt, shihemi me kamer e shpresoj që të kalojë sa më shpejt kjo situatë e me shku me e vizitu.”- tha ndër të tjera reperi gjatë lidhjes direkte.

Pavarësisht mosmarrëveshjeve me njëri-tjetrin, Loredana dhe Mozzik kanë vendosur “të bëjnë paqe” për hir të së voglës së tyre Hana dhe kur është fjala për të, ata bëhen gjithmonë bashkë.