Rita Ora duket tejet atraktive edhe në veshje sportive teksa shëtitet në pyll

Rita Ora ndau me ndjekësit në Instagram disa fotografi të saja duke shijuar një shëtitje idilike në pyll të premten.

Ajo i dha një pamje barkut të saj të tonifikuar, veshur me një bluzë të shkurtër, e cila në mbishkrimin e saj kishte të shkruar “lajme të mira për seksin”, shkruan DailyMail.

Këngëtarja e kombinoi atë me një palë tuta të verdha dhe atlete të zeza gjatë shëtitjes së saj.

Flokët e saj ishin të kapura, teksa kishte vënë edhe një palë syze dielli të errëta, ndërsa vazhdoi të shijonte stërvitjen e përditshme, në mes të mbylljes për shkak të krizës së coronavirusit.

“Kur ishim të bekuar me diell, para se në Londër të vinte shiu”, shkroi Ora në mbishkrimin e fotografisë.

Një ditë më parë, Rita pranoi se po i kryente stërvitjet e saj në mënyrë vetanake në shtëpinë në të cilën është izoluar.

Këngëtarja shqiptare me famë botërore është duke qëndruar e izoluar në një shtëpi në fermë në Anglinë Jug-Perëndimore me pesë miq të saj, ku kishte shkruar për të kompozuar këngë të reja për albumin e saj të tretë, por që ngeli aty pasi më pas u mor vendimi për ndalimin e lëvizjeve shkaku i COVID-19.

(Kosova Sot Online)