Të krimbur në para! Pasuria e Kim Kardashian dhe Kanye West është përtej çdo parashikimi!
Familja më e famshme në botë “Kardashians” janë edhe një ndër familjet më të pasura.
Jo më larg se dje “Forbes” ka bërë sërish bilancin e pasurisë së Kim dhe Kanye West dhe kur e lexuam nuk po e besonim dot.
Sipas “Forbes”, kompania e Kim “KKW Beauty” është ndërmarrja më fitimprurëse për momentin. Që nga vera e vitit 2018, Kim ka fituar 100 milion dollarë të ardhura dhe ajo zotëron 100 përqind të saj.
Për të mos harruar faktin kur Kim lançoi produktin e bukurisë “Crème Coutur Kits” ajo arriti të shiste plot 300 mijë të tilla brenda 2 orëve që kushtonin nga 48 dollarë. Dhe nëse bën një llogari të thjeshtë, ajo për 2 orë fitoi gati 14 milion dollarë. (Unë nuk po qaj, ti po qan!)
Por Kim Kardashian nuk fiton vetëm nga kompania që ajo ka. Ylli i reality show fiton mjaftueshëm edhe nga Instagrami. Mjafton të përmendim që për vetëm një postim të “Fashion Nova” në Instagram, Kim fitoi 1 milion dollarë.
“Forbes” shkruan se pasuria totale e saj e deklaruar arrin shifrën 350 milion dollarë.
Ndërkohë nga ana tjetër bashkëshorti i saj Kanye West ka bërë një pasuri të “frikshme” nga karriera e tij e suksesshme muzikore, por edhe nga linja e tij e modës “Yeezy” që është jashtëzakonisht fitimprurëse, poooor ai u martua edhe me një nga pjestaret e familjes mbretërore jozyrtare gjithashtu. (Për familjen Kardashians e kemi)
Kanye ka fituar 76,5 milion dollarë nga këngët e tij, ndërkohë nga shitja e albumeve ka fituar 14.5 milion dollarë.
Forbes zbuloi se të ardhurat nga linja e tij “Yeezy” për vitin 2019 ishin 1.3 miliardë dollarë.
Kanye dhe Kim zotërojnë disa shtëpi së bashku dhe mund të themi që dinë vërtetë të bëjnë biznes dhe shumë blerje të zgjuara.
Në vitin 2017, çifti shitën rezidencën e tyre Bel-Air (të cilën e blenë për 9 milion dollarë) për 17.8 milion dollar. Pra ata kanë fituar 8.8 milion dollarë vetëm nga ajo shtëpi. Sipas “TMZ”, ajo është shitja më e shtrenjtë në komunitetin ekskluziv të Bel-Air Crest.
Për momenti, Kim dhe Kanye jetojnë në “Hidden Hills”, të cilën e kanë blerë për 20 milion dollarë dhe tani ajo vlen 60 milion dollarë. Pra Kim dhe Kanye kanë një fitim prej 40 milion dollarësh.
Nëse do i mbledhësh të gjitha këto, shifrat e tyre thyejnë çdo kufi të imagjinatës tonë!
Ashtu siç do thoshte dhe Ariana Grande “I have no tears left to cry” (nuk kam më lot për të derdhur)
(Kosova Sot Online)
