Gresa Behluli tani me video nga kuzhina, sjellin bashkë me motrën recetë për biskota
Përkundër situatës me virusin Covid-19 kur të gjitha aktivitetet kulturore dhe artistike kanë pushuar, Gresa Behluli ka gjetur një mënyrë të qëndrojë më afër fansave të saj.
Këngëtarja e njohur ka vendosur të ndajë me publikun detaje nga jeta dhe ambientet e saj private duke publikuar një video në kuzhinën e saj.
Në këtë video pesë minutëshe Gresa shfaqet së bashku me motrën e saj Agnesën dhe të dyja së bashku përgatisin biskota me tërshërë.
Gresa gjersa përgatit biskotat zbulon edhe recetën e saj për publikun duke dhënë instruksione me detaje.
Ndryshe, këngëtarja gjatë kohës së pandemisë i ka kushtuar rëndësi edhe daljes në natyrë. Së bashku me nënën, bilbilin e këngës shqipe, Shkurte Fejza dhe familjarë të tjerë ata kanë qëndruar në fshatin Mushtisht duke kaluar shumë kohë në natyrë.
(Kosova Sot Online)