I thanë “Po” njëri-tjetrit 6 vite më parë! Kim Kardashian uron dashurinë e saj të jetës në përvjetorin e martesës
Gjashtë vite më parë, Kim Kardashian dhe Kanye West i thanë “Po” njëri-tjetrit në një ceremoni në Firenze të Italisë, për t’u shpallur burrë e grua e për të kaluar jetën së bashku.
Dasma e tyre bëri jehonë në media dhe ata u kthyen në çiftin më të komentuar nga publiku, i cili vazhdon të jetë kryefjala e showbiz-it edhe sot.
Ndër vite ata kanë treguar se janë bërë për njëri-tjetrin dhe dashuria që i mban lidhur është shumë herë më e fortë se çdo mosmarrëveshje.
Nga martesa e tyre, çifti është bekuar me 4 fëmijë dhe duken një familje e madhe e lumtur.
Sigurisht që në përvjetorin e gjashtë të martesës, nuk mund të mungonte një dedikim i ëmbël nga Kim për partnerin e jetës së saj.
Në llogarinë e saj në Instagram, ajo ka publikuar dy poza krah Kanye-t, ndërsa në postim shkruan fjalët speciale:
“6 vite ikën, përjetësia na pret. Deri në fund”, ndërsa në fotot e saj kanë vërshuar komentet e urimit për çiftin.
(Kosova Sot Online)
