Kanye West zbulon se cila është gjëja e parë që do të ndryshojë pasi të zgjidhet president i Shteteve të Bashkuara

  • E.K /
  • 07 July 2020 - 18:56
 Kanye West zbulon se cila është gjëja e parë që do të ndryshojë pasi të zgjidhet president i Shteteve të Bashkuara

Kanye West ka njoftuar se po kandidon për president të Shteteve të Bashkuara pak ditë më parë.

Bashkëshortja e reperit, Kim Kardashian, më parë tha se ai do të kandidonte për president në 2024, për të shmangur përplasjen kokë më kokë me presidentin aktual, Donald Trump.

Por, Kanye ndryshoi mendje dhe vendosi ta fillojë karrierën e tij politike këtë vit.

Në vitin 2018, kur ai njoftoi për herë të parë interesin që kishte për postin e presidentit, Kanye zbuloi gjënë e parë që do të bënte kur të zgjidhej si i tillë: do të riemëronte aeroplanin privat të presidentit.

Ai shkroi në Twitter: “kur të bëhem president duhet të ndryshoj emrin e aeroplanit nga ‘Forca Ajrore’ në ‘Forca Yeezy’. “

Yeezy është nofka e Kanye, si dhe emri i linjës së tij të veshjeve, për të cilin ai mendon se është një emër i mirë edhe për një aeroplan presidencial.

Ylli, i cili e adhuron Trump, e quajti atë “vëllain” e tij dhe tha se ata të dy kanë “energji dragoi”.

Por Kim nuk ishte shumë e kënaqur me cicërimën dhe e kontaktoi Kanye menjëherë.

Ai më vonë shtoi: “Gruaja ime thjesht më telefonoi dhe donte që këtë t’ia bëja të qartë të gjithëve. Unë nuk pajtohem me gjithçka që bën Trump. Unë nuk pajtohem 100% me askënd, përveç vetes time.”

Kjo ndodhi pasi Kanye postoi dhe më pas fshiu një postim në twitter, i cili zbulonte se do të kandidonte për president në 2024-ën. Ai ndau një përmbledhje të pesë posterave identikë të varur në një mur jashtë asaj që dukej se ishte një dyqan apo ndërtesë zyre.

Në fund të posterave ishte një hashtag që lexonte “# Kanye2024”

Kanye ndau foton në Twitter krahas një simboli të një fytyre të menduar, por e fshiu brenda disa minutash.

(Kosova Sot Online)