58 vjet nga vdekja e ikonës së bukurisë publikohen fotot e rralla të Marilyn Monroe

  • A.P /
  • 06 gusht 2020 - 22:31
58 vjet nga vdekja e ikonës së bukurisë publikohen fotot e rralla të Marilyn Monroe

Sot janë plot 58 vjet nga vdekja e Marilyn Monroe, ikona e bukurisë që vazhdon të mbetet një prej personazheve më të pakonkurreshme të të gjitha kohëve në Hollywood.

Gjatë gjithë jetës së saj relativisht të shkurtër, Marilyn Monroe luftoi me çmimin e suksesit. Megjithëse filmat e yllit të Hollywood-it, siç është raportuar, kanë grumbulluar 200 milionë dollarë fitime, Monroe pësoi shumë humbje profesionale dhe personale.

Image

Në një artikull të fundit me rastin e 58-vjetorit të vdekjes, Insider ka renditur plot 50 foto të rralla të aktores së famshme, që nga fëmijëria e deri në vitet e fundit të jetës, shoqëruar me trazirat e jetës personale, martesat, dështimet dhe, natyrisht, edhe jetën artistike.

Image

Një portret i Marilyn Monroe, në studio, 6 muajshe, 1927

Marilyn Monroe lindi në vitin 1926 si Norma Jeane Mortenson dhe më vonë u pagëzua si Norma Jeane Baker, sipas biografisë.

E vlerësuar gjerësisht si një nga aktoret më të njohura të shekullit të 20-të, Monroe bëri histori gjatë gjithë viteve që jetoi. Ndikimi i saj është akoma i gjallë edhe sot e kësaj dite, pasi “logot” Monroe vazhdimisht shiten me çmime të larta në ankande në të gjithë botën.

Gladys Baker, e ëma, duke mbajtur në krahë të bijën, Norma Jeane Baker (Marilyn Monroe), 1926

Image

"Në një farë mënyre, ajo është më e njohur sot sesa ishte atëherë",- citohet të ketë thënë Lawrence Schiller, fotograf dhe mik i Monroe, autor i "Marilyn & Me".

Megjithëse një pjesë e madhe e jetës së saj private njihet gjerësisht - nga fëmijëria e saj e vështirë deri te martesat e trazuara - disa imazhe nga jeta private, larg kamerave, mund të mos i keni ndeshur.

Image

 

Insider rendit një pjesë të mirë të historisë së aktores, referuar edhe biografisë së saj, dhe risjell edhe një herë në vëmendjen e lexuesve ndikimin absolut të ikonës së bukurisë në të gjitha kohët.

"The Misfits" ishte filmi i fundit i Monroe. Më 5 gusht, 1962, aktorja u nda nga jeta në rezidencën e saj në Los Angeles në moshën 36-vjeçare. Shkak i vdekjes u raportua mbidoza e drogës.

Image

(Kosova Sot Online)