A$AP Rocky ndihet i bekuar që Rihanna është pjesë e jetës së tij

  • A.P /
  • 16 qershor 2021 - 19:16
A$AP Rocky ndihet i bekuar që Rihanna është pjesë e jetës së tij

A$AP Rocky ndihet i bekuar me Rihannën, së cilës i është referuar si dashuria e jetës së tij. Duke folur për Entertainment Tonight mbi dokumentarin “Stockholm Syndrome”, reperi tregoi se Rihanna e inkurajoi që të tregonte të vërtetën për arrestimin dhe burgosjen në Suedi, pas një mosmarrëveshjeje me dy persona të tjerë në 2019-ën.

“Është shumë e rëndësishme ta keni këtë mbështetje dhe në jetën reale, thjesht të admironi punën tuaj nuk është e mjaftueshme. Është vërtet e mahnitshme dhe ndihem i bekuar sinqerisht.”, tha ai. Ai madje shpjegoi pse është e rëndësishme për të që ta ndajë historinë e tij me botën.

Përveç luftës për liri dhe përvojës me sistemin gjyqësor suedez, dokumentari gjithashtu tregon “ngritjen meteorike” të tij në muzikë. Së bashku me reperin dhe “zonjën” e tij – siç e quan Rihanna-n – dokumentari përfshin gjithashtu miq të famshëm të artistit, si Naomi Campbell, Kim Kardashian dhe reperin Asap Ferg.

“Dokumentari flet për ndershmërinë, vërtetësinë dhe pastërtinë e njeriut. Thjesht doja të tregoja historinë time pa ndonjë gjë. Unë nuk doja të isha viktimë,” tha reperi, duke shtuar se dokumentari adreson pabarazitë e gjyqësorit suedez. 

(Kosova Sot Online)