Google heq aplikacionin “që ndihmon njerëzit të bojkotojnë kompanitë e lidhura me Izraelin”
Google ka larguar nga Play store një aplikacion, i cili i ndihmon njerëzit të bojkotojnë kompanitë dhe produktet izraelite.
Llogaria e mediave sociale @NoThanksBoycott konfirmoi se aplikacioni i saj NoThanks ishte hequr përkohësisht si rezultat i tekstit në përshkrimin e tij që thoshte se mund të shihni nëse “dora juaj mbështet vrasjen e fëmijëve në Palestinë apo jo”, shkruajnë mediat e hua.
Llogaria shkroi në X, dikur Twitter, të enjten: “Aplikacioni është pezulluar nga Play store për këtë fjali, e hoqa atë në përditësimin e ri dhe Play store do ta shqyrtojë dhe do ta lëshojë përsëri”.
Ai përfshinte një pamje të përshkrimit që thoshte: “Mirë se erdhe në NoThanks, këtu mund të shihni nëse produkti në dorën tuaj mbështet vrasjen e fëmijëve në Palestinë apo jo”.
“Gjithçka që duhet të bëni është të skanoni barkodin ose të shkruani numrin serial në shiritin e kërkimit”.
Ky veprim erdh pasi Izraeli rifilloi operacionet luftarake në Rripin e Gazës, disa minuta pasi skadoi armëpushimi, për “prishjen” e të cilit u fajësua Hamasi.
Ndryshe, që prej fillimit të luftës midis Izraelit dhe Hamasit, kanë mbetur të vdekur shumë civilë.
Por Izraeli në deklaratat e tij, ka thënë se veprimet e tij synojnë militantët e Hamasit, jo civilët.
Sipas Ministrisë së Shëndetësisë së Gazës së udhëhequr nga Hamasi, gjatë kësaj kohe kanë mbetur të vrarë rreth 13,300 palestinezë.
Ndërsa, kryesisht gjatë sulmit të Hamasit të 7 tetorit, kanë mbetur të vrarë rreth 1200 izraelitë.
The app has been suspended from play store for this sentence, I removed it in the new update and play store will review it and release it again pic.twitter.com/fTgVV9ltxo
— NoThanks (@NoThanksBoycott) November 30, 2023
(Kosova Sot Online)
