Lexoni edhe:
Gjesti merr një vendim të guximshëm
YouTube ka njoftuar se do të prezantojë një model të ri
YouTube ka njoftuar se gjatë verës do të prezantojë një model të ri të Inteligjencës Artificiale për krijimin e videove në platformën Shorts.
Bëhet fjalë për Veo 3, një version i avancuar i teknologjisë AI të Google, i cili pritet të sjellë përmirësime të dukshme në cilësinë e videove dhe aftësinë për të integruar zërin në to, raportojnë mediat ndërkombëtare.
Aktualisht, krijuesit e përmbajtjes kanë në dispozicion versionin e mëparshëm, Veo 2, përmes opsionit Dream Screen, që mundëson krijimin automatik të sfondit dhe gjenerimin e klipeve vizuale. Megjithatë, nuk është bërë e ditur saktësisht se cilat funksione të reja do të përfshijë Veo 3.
Po ashtu, mbetet ende e paqartë nëse modeli i ri do të jetë falas për krijuesit që përdorin Shorts.
Lajmi u konfirmua nga CEO i YouTube, Neal Mohan, gjatë fjalimit të tij në festivalin Cannes Lions, ku gjithashtu bëri të ditur se Shorts po arrin mbi 200 miliardë shikime në ditë, një dëshmi e qartë e rritjes së vazhdueshme të këtij formati në platformë.
(Kosova Sot Online)
