Lëngu i trangullit dhe i domates, ilaç për shenjat e zeza përreth syve

  • 22 shkurt 2020 - 11:03
Lëngu i trangullit dhe i domates, ilaç për shenjat e zeza përreth syve

Në vend se të shpenzoni para në produktet që mund të kenë efekte anësore, provoni këto ilaçe natyrale për t'i trajtuar shenjat e mërzitshme, që shpesh shfaqen në lëkurën përreth syve Të gjithë i urrejnë shenjat e zeza përreth syve, pasi që janë treguesit kryesorë të lodhjes dhe pagjumësisë. Ndërsa, për shkak se lëkura përreth syve nuk ka gjëndra yndyrore, kjo pjesë më së shpeshti bie pre e shfaqjes së shenjave të tilla. Ndërsa, përkundër faktit që në treg ekziston një numër i madh produktesh që premtojnë asgjësimin e këtyre shenjave të zeza përreth syve, jo të gjitha produktet funksionojnë dhe shumica e tyre kushtojnë shumë.

Njëra nga alternativat më të përshtatshme për asgjësimin e këtyre shenjave është të përdoren produktet natyrale, shumicën e të cilave me shumë gjasë i keni në kuzhinë. Përdorimi i këtyre produkteve ka shumë përparësi, pasi që, mbi të gjitha, ju nuk do të lejoni produktet laboratorike të vijnë në kontakt me këtë pjesë kaq të ndjeshme të lëkurës. Njëri nga ilaçet më të përshtatshme për trajtimin e rrathëve të errët në pjesën përreth syve është lëngu i trangullit, ndërsa mënyra më e përshtatshme për trajtimin e lëkurës me këtë lëng çudibërës është ta vendosni lëngun drejtpërsëdrejti mbi shenja.

Lëreni lëngun të qëndrojë për pesëmbëdhjetë minuta, para se ta pastroni fytyrës siç do të bënit normalisht. Për ta shtuar efektin e lëngut të trangullit ju mund të shtoni sasi të njëjtë të lëngut të patates. Një tjetër ilaç natyral për trajtimin e shenjave të zeza në lëkurën përreth syve është lëngu i domates. Ky lëng funksionon edhe nëse vendoset drejtpërsëdrejti mbi shenjat e shfaqura, mirëpo ka efekt edhe nëse konsumohet. Gjithsesi, pa marrë parasysh se cilin prej këtyre ilaçeve natyrale vendosni ta përdorni, është shumë e rëndësishme që ta provoni ndonjërin, para se të shkoni në barnatore për të kërkuar zgjidhje.

(Kosova Sot Online)