Lexoni edhe:
Albina mbreslënëse me këngën e re 'Na qeli prapë thana'
Nëse je femër dhe të dhemb poshtë duhet ta lexosh urgjent këtë!
Shumë gra vuajnë nga dhimbje dhe siklet në zonën intime që mund ta vënë jetën e përditshme në vështirësi. Mund të vuajmë pasi kemi bërë dashuri, gjatë ciklit ose kur veshim të brendshme që janë shumë të ngushta. Këto simptoma zakonisht zhduken shpejt, por nëse problemet vazhdojnë, është më mirë të shkosh te doktori.
Vulvodinia është shkak i dhimbjes vaginale, siklet, acarim, inflamacion. Sipas të dhënave nga Klinika e Cleveland, rreth 200.000 gra në Shtetet e Bashkuara vuajnë prej saj. Shumë gra as që e dinë se çfarë është: Dhimbja ose siklet kronike në vulvë quhet vulvodinë kur zgjat të paktën tre muaj dhe nuk ka shkaqe të identifikueshme. Mund të jetë kaq e dhimbshme sa mund t’i bëjë disa aktivitete të përbashkëta të pamundura, madje edhe të bërit dashuri.
Nuk ka ende shkaqe të njohura, edhe nëse irritimet, muskujt e dobët të legenit, ndryshimet hormonale, alergjitë, faktorët gjenetikë, mund të rrisin rrezikun. Vulvodinia nuk shkaktohet nga sëmundjet seksualisht të transmetueshme. Por cilat janë simptomat që nuk duhet të nënvlerësohen?
Djegie intensive
Simptoma më e zakonshme është përjetimi i një djegie shumë intensive, por përshkrimet e grave ndryshojnë shumë.
Dhimbja mund të jetë e vazhdueshme, mund të zgjasë për një kohë të shkurtër ose të vazhdojë për muaj apo vite. Dhimbjet gjithashtu mund të jenë tronditëse.
Dhimbje
Ekspertët theksojnë se një nga ndjesitë më të zakonshme është dhimbja në pjesë intime.
Shumë gra gjithashtu përjetojnë dhimbje vaginale herë pas here: Nëse zgjat shumë gjatë mund të jetë një shenjë e vulvodinisë.
Nëse dhimbja është simptoma kryesore, e pasohet me kruarje të zgjatur është një shenjë tjetër që duhet marrë parasysh.
Ënjtje ose irritim
Inflamacion, ënjtje dhe acarim janë simptoma të tjera të zakonshme të kësaj gjendjeje.
Kur ndodh dhimbja?
Dhimbja mund të ndodhë gjatë marrëdhënies, kur ne veshim veshje tepër të ngushta, kur qëndrojmë ulur për periudha shumë të gjata, nëse përdorim tamponë ose gjatë ekzaminimeve gjinekologjike.
Dhimbja mund të jetë e vazhdueshme dhe e pranishme në çdo kohë të ditës.
Kur të shkoni tek mjeku?
Nëse vuani nga këto çrregullime për një kohë të gjatë, por edhe nëse vuani për herë të parë, më mirë shkoni te gjinekologu juaj.
(Kosova Sot Online)
