'GJERGJI NË ART'
Shoqata “Gjergj Kastrioti” – Zvicër ka kënaqësinë t’ju ftojë në ekspozitën pamore “Gjergji në Art”, organizuar në shenjë përkujtimi të 620‑vjetorit të lindjes së heroit tonë kombëtar, Skënderbeut, transmeton gazeta “Kosova Sot Online”.
Ngjarja do të zhvillohet të dielën, më 18 maj 2025, në adresën Grampenweg 5, 8180 Bülach, Zvicër, me pritjen që fillon në orën 11:00 dhe ceremoninë zyrtare të hapjes në orën 13:00.
Pas fjalës së mirëseardhjes nga moderatori i eventit, z. Arben Rexhepi, ansambli “Vatra” në bashkëpunim me ArtPlisin – me historianin Paulin Zefi, këngëtaren Fjolla Berisha, kuratorin Ilir Muharremi, pianistin Leutrim Aliji dhe interpretuesin e lahutës/sharkisë Oliver Dushi – do të ofrojë një program muzikor të veçantë, kushtuar figurës së Skënderbeut.
Ekspozita do të prezantojë krijime pamore nga një rrethe artistësh të shquar: Agim Ramadani (Hero i Kosovës), Ahmet Ibrahimi, Ardian Pepa, Augustin Pergega, Bujar Vani & Evisi Kabilo, Butrint Morina, Daors Hoxha, Dorina Ukajini, Dussi Sadrilj, Fatmir Dragusha, Florim Shaqiri, Gabriela Memaj Thaçi, Gëzim Muriqi, Gjergj Kola, Irfan Grajqevci, Irena Toma, Jackqueline Bislmi, Jalldëze Mustafa, Jeton Lleshi, Kushtrim Sylejmani, Marigona Toma, Etmond Balaj, Nagip Tashi, Naser Dushica, Pren Berisha, Refki Gollopeni, Rexhep Leci, Sak Muji, Valerijana Krasniqi e Visar Kryeziu.
Hyrja është e lirë dhe vizitorët janë të ftuar të qëndrojnë sipas dëshirës, me një koktej përshëndetës pas ceremonisë së hapjes
(Kosova Sot Online).
