k

Përshendetje i nderuar, uroj të jeni mirë dhe të gjeni kohë të përgjigjeni lidhur me këtë temë...

A po krijon vërtet një “momentum të ri” për dialogun mes Kosova dhe Serbia ky kompromis për Ligjin për të Huajt, apo kemi të bëjmë vetëm me një zgjidhje teknike që nuk prek thelbin e mosmarrëveshjeve politike?

Sa mund ta ndryshojë balancën në dialogin Bashkimi Evropian nëse organizohet një takim i ri i nivelit të lartë, dhe a rrezikon Kosova të hyjë në një fazë të re presioni për kompromise të tjera?

A po e përdor Brukseli këtë hap si shembull për të kërkuar më shumë fleksibilitet nga Prishtina në marrëveshjet e kaluara, dhe çfarë do të thotë kjo për vijat e kuqe të qeverisë së Kurtit?

Qeveria e Albin Kurtit bëri lëshime në mënyrën e zbatimit të ligjeve për të huajt dhe automjetet, të cilët do të preknin drejtpërdrejt komunitetin serb në vend. Për koncensionet e bëra kryeministri Kurti u duartrokit nga europianët, që ndërmjetësuan në këtë proces.

Qeveria do t’u japë leje të përkohshme qëndrimi dhe t’ua lejojë përdorimin e letërnjoftimeve serbëve që nuk kanë dokumente të Kosovës për t’u regjistruar me to në sistem të Kosovës dhe t’i sigurojë leje qëndrimi për punëtorët dhe studentët e interesuar për një periudhë fillestare prej 12 muajsh.

Duke e pranuar se procesi i legalizimit të plotë të sistemit të edukimit dhe atij shëndetësor në komunat me shumicë serbe brenda kornizës ligjore të Kosovës, kryeministri Kurti tha se koncensionet për këto dy ligje i bëri për të mos shkuar deri te pengesat në ofrimin e shërbimeve bazike në arsim dhe në shëndetësi për komunitetin serb.

Ai e shpjegoi se Qeveria do të pajiset nga krerët lokalë me listat e stafit akademik dhe shëndetësor që janë të angazhuar në ofrimin e këtyre shërbimeve dhe që më pas kët lista do të shërbejnë si bazë për dhënien e lejeve të përkohshme të qëndrimit për qytetarët e huaj që aplikojnë te Ministria e Punëve të Brendshme.

E njëjta vlen edhe për studentët e huaj që qëndrojnë në Republikën e Kosovës për qëllime studimore, për të cilët krerët komunalë do të ofrojnë listën e plotë të tyre me informatat e detajizuara për fushën e studimit dhe vitin akademik.

“Këtyre studentëve, pas aplikimit të suksesshëm, Ministria e Punëve të Brendshme do ju ofrojë leje të përkohshme të qëndrimit me afat 12 mujor, me mundësi vazhdimi në rast të vazhdimit të studimeve. E njëjta procedurë aplikohet edhe për aplikantët e ri që regjistrohen në vitet e mëvonshme akademike. Paralelisht me këtë, Ministria e Shëndetësisë dhe Ministria e Arsimit, Shkencës dhe Teknologjisë, në koordinim të vazhdueshëm me Përfaqësuesin Special të Bashkimit Evropian dhe në bashkëpunim me ofruesit e këtyre shërbimeve publike fillojnë procedurat e domosdoshme dhe përcaktojnë afatet optimale për inkorporim të plotë, përfshirë këtu licensimin e institucioneve dhe të stafit të angazhuar”.

Kurti tha se Qeveria e tij do të hapë një dritare të re tremujore për të mundësuar qytetarëve të nacionalitetit serb të regjistrojnë faktet civile të cilat deri me datën 15 mars 2026 janë regjistruar nga strukturat ilegale që Kosova s’i njeh.

Në këtë periudhë, Kurti tha se aplikantëve do i lejohet edhe përdorimi i letërnjoftimeve të lëshuar nga strukturat jolegale.

Më pas, Ministria e Punëve të Brendshme do të nxjerrë udhëzime të detajizuara që mundësojnë regjistrimin e këtyre fakteve brenda Sistemit Qendror të Regjistrit Civil të Republikës ë Kosovës.

Në fund, Kurti tha se kjo e dëshmon “edhe një herë përkushtimin e Qeverisë së Republikës së Kosovës për zbatim të plotë të sovranitetit në gjithë territorin e Republikës së Kosovës”, si dhe për trajtim të barabartë dhe pa diskriminuar qytetarët e vendit.

Shefja e diplomacisë evropiane, Kaja Kallas, ka reaguar pasi kreu i Qeverisë së Kosovës, Albin Kurti, është pajtuar që të bëjë kompromis me BE-në për të lehtësuar implementimin e Ligjit për të Huajt për serbët e Kosovës.

Kallas ka thënë se kjo krijon një momentum të ri dhe se është e gatshme të organizojë një takim të nivelit të lartë së shpejti.

“Marrëveshja e sotme për regjistrimin civil dhe Ligjin për të Huajt shënon një hap të rëndësishëm përpara për të mirën e të gjithë njerëzve në Kosovë. Është thelbësore të sigurohet vazhdimësia në ofrimin e shërbimeve publike.Faleminderit të gjithëve që u angazhuan në mënyrë konstruktive për ta bërë këtë të mundur. Duke ecur përpara, zbatimi i marrëveshjeve të kaluara mbetet jetik.Ky progres krijon një moment të ri për Dialogun Beograd-Prishtinë, dhe unë jam gati të organizoj një takim të nivelit të lartë së shpejti”, ka shkruar ajo.