Gjuriq reagon edhe për taksat e reja të Kosovës, i quan të rrezikshme

Drejtori i të ashtuquajturës Zyre Serbe për Kosovë, Marko Gjuriq ka deklaruar që kushdo që po konsideron masa të reja në Kosovë është armik i paqes dhe stabilitetit në rajon, armik i së ardhmes, si për serbët ashtu edhe shqiptarët.

“Ne patëm bisedime serioze dhe presidenti Vuçiq kishte aktivitete serioze diplomatik, kam përshtypjen se është mjaft e qartë për bashkësinë ndërkombëtare se pasojat e rrezikshme dhe potencialisht të paimagjinueshme do të sjellin masa të reja. Kushdo që po mendon për masa të reja sot dhe dua që këtë të ta them në mënyrë të qartë është, armiku i paqes dhe stabilitetit në rajon, armiku i së ardhmes, si serbët ashtu edhe shqiptarët “, tha ai për RTS.

(Kosova Sot)