Ndryshojnë temperaturat, ky do të jetë moti për sot dhe nesër

  • 03 prill 2019 - 08:50
Ndryshojnë temperaturat, ky do të jetë moti për sot dhe nesër

Gjatë ditës së sotme dhe nesërme, në vendin tonë pritet të mbajë mot i ndryshueshëm

Në njoftim të Institutit Hidrometerologjik të Kosovës thuhet se do të mbajë mot i vranët dhe me intervale me diell.

“Në fushat barike pritet të ketë luhatje të ndjeshme, duke ndikuar në ndryshimin e kushteve meteorologjike. Vranësirat do të fuqizohen gjatë ditës dhe vende-vende do të krijojnë kushte për reshje shiu të intensitetit të dobët deri mesatar”, thuhet në njoftimin e IHMK’së.

Tutje thuhet se temperaturat minimale parashihen të lëvizin ndërmjet 3-6 gradë Celsius, ndërsa maksimalet e ditës parashihen të lëvizin ndërmjet 17-20 gradë Celsius.

“Do të fryjë erë mesatare deri e fortë me shpejtësi maksimale deri 11m/s”, përfundon njoftimi.

(Kosova Sot)