Alarm për bombë në parlamentin grek

Një telefonatë anonime ka alarmuar kryeqytetin grek mëngjesin e sotëm. Mediat greke raportojnë se kërcënimi për bombë ishte nga një telefonatë anonime.

Personi që ka marrë në telefon është shprehur se ka një pajisje shpërthyese “brenda dhe jashtë Parlamentit”. “Do të ketë viktima. Kini kujdes!” thuhej në telefonatën kërcënuese.

Në vendngjarje kanë mbërritur menjëherë ekspertët e çaktivizimit të bombave. Policia greke mbylli Parlamentin dhe rrethoi zonën rreth tij.

(Kosova Sot)