Vuçiq-Mogherinit: Bisedimet i vazhdojmë nesër, nëse ndodhë kjo
Presidenti i Serbisë, Aleksander Vuçiq i është drejtuar mediave pas takimit me Përfaqësuesen e Lartë të BE-së, Federica Mogherinin në Berlin.
Vuçiq është deklaruar edhe njëherë se nuk ka ndryshuar qëndrim sa i përket vazhdimit të dialogut. Vazhdimi i bisedimeve sipas tij do të ndodhë vetëm kur të hiqet taksa për produktet serbe e boshnjake.
“I thashë Mogherinit se nuk ka vazhdim të dialogut pa e hequr taksën.”, tha presidenti serb.
“Ata e mbajtën atë gati për gjashtë muaj. Ne biseduam për çështje bilaterale, çështje të rëndësishme. Ne biseduam për problemet e eksportit të çelikut por është e sigurt se ekonomia serbe është duke ecur para me hapa të mëdha.”, shtoi presidenti i Serbisë.
Ndërsa sa i përket samitit, ai tha se nuk pret diçka e madhe të ndodhë.
“A do të kemi sukses në të ? Nuk jam optimist.”, tha Vuçiq.
Përmes Twitterit për takimin ka shkruar edhe zëdhënësja e BE-së, Maja Kocijanciq.
(Kosova Sot)