E thotë Krasniqi: Ja kush vjedh i pari...

Raportimi në medie se si i ka  shpenzuar President i Kosovës, Hashim Thaçi,  1 milion e 337 mijë euro, për udhëtime zyrtare, mëditje për udhëtimet jashtë vendit, shpenzimet e telefonisë mobile dhe dreka zyrtare, pavarësisht se janë para të taksapaguesve kosovarë, dhe nga pozita e të parit të shtetit, ai do të duhej treguar tepër racional në këto shpenzime, ka ngjallë edhe reagimin e analistit Faik Krasniqi, sipas të cilit, zyra e presidentit është pasqyrë veprimi të ngjashëm edhe nga institucionet tjera.

Lexoni edhe:

Presidenti në hall me Berishën: Gjithmonë i jam trembur gjuhës së tij

Sido qoftë, analisti Faik Krasniqi thekson se "derisa po heshtin qytetarët dhe nuk po ngritën në këmbë për ti kundërshtuar këta  qeveritar abuzues me paratë e tyre, përgjegjësia  bije mbi neve qytetarë, pasin që drejtësia është e kapur nga kjo politikë."

“Buxheti i shtetit vazhdon të zhvatet dhe vidhet në forma të ndryshme, duke filluar nga Presidenca”, tha Faik Krasniqi për “Kosova Sot Online”.  Mirëpo infeksioni i hajnisë, sipas Krasniqit ka marr përmasa të gjëra në nivel të të  gjitha institucioneve, ku më shumë e ku më pak. “Mjafton të rikujtojmë vjedhjen klasike në vlerën prej 53 milion euro nga ana e Ministrisë së Infrastrukturës, të udhëhequr nga e Pal Lekaj”, tha Krasniqi për “Kosova Sot Online”. 

Lexoni edhe:

Rakiq pas fitores së Listës në Veri – jemi të gatshëm të dorëhiqemi përsëri

"Sa ju takon reagimeve të ambasadorëve të shteteve mike, edhe atij anales së fundi, Krasniqi thotë se  janë gjëra të ditura, por përgjegjësia bije mbi qytetarët që heshtin, tolerojnë e nuk kundërshtojnë  kundër  abuzimeve të tilla. Ambasadori britanik nuk tha asgjë te re. Tha diçka që të gjithë e dimë. Ne e dimë që shteti është i kapur nga mafia politike qe 20 vite, por duhet të na thotë një i huaj që të besojmë. Kemi të bëjmë me një popull hipokrit, që më shumë i besojnë kur u thotë diçka një i huaj, se sa një shqiptar kur alarmon shumë vite më parë për fatkeqësinë që e ka kapluar vendin”, theksoi Faik Krasniqi për “Kosova Sot Online”. 

Lexoni edhe:

Rrëfimi rrënqethës i gruas që u dhunua shtatzënë në liftin e Spitalit të Prishtinës derisa po bëhej gati për lindje

Prandaj në këtë rast Krasniqi e shtron pyetjen e tij se  "çfarë pret pastaj prej këtij populli që i duartroket një ambasadori të huaj për qyqarllëkun e vetë për mos veprim". “Është e pa mundur të ndryshoj gjendja me këtë popull hipokrit, që e dashuron dhunuesin dhe përdhunuesin e tij”, tha  Faik Krasniqi për “Kosova Sot Online.”

(Kosova Sot Online)