Boris Johnson fiton raundin e parë të zgjedhjeve partiake
Boris Johnson ka dalë i pari në raundin e parë të votimeve në garën për kryetar të partisë Konservatore dhe për Kryeministër të Britanisë së Madhe.
Ai ka arritur të mbledh gjithsej 114 vota nga deputetët e partisë, ndërkohë tre më pak të votuarit janë eliminuar nga gara: Esther McVey, Andrea Leadsom dhe Mark Harper.
Kjo do të thotë se shtatë të tjerë do të shkojnë në raundin tjetër të votimit, e të gjithë këta janë burra, raporton Euronews.
Në vazhdim gjeni rezultatet:
Michael Gove – 30 vota
Matt Hancock – 20 vota
Mark Harper – 10 vota (Eliminohet)
Jeremy Hunt – 43
Sajid Javid – 23 vota
Boris Johnson – 114 vota
Esther McVey – 9 vota (Eliminohet)
Dominic Raab – 27 vota
Rory Stewart – 19 vota
Kandidatëve i nevojiteshin gjithsej 16 vota për të kaluar në raundin e dytë të votimit.
Raundi i dytë do të mbahet me 18 qershor, ndërsa votimi shtesë do të mbahet me 19 dhe 20 qershor, deri sat ë mbesin vetëm dy kandidatë.
Johnson është i pari në garë dhe sipas analistëve, do të jetë zëvendësuesi i kryeministres britanike, Theresa May. (Kosova Sot Online)