Kurti e kujton Arbën Xhaferin në shtatë vjetorin e vdekjes

Kryetari i Vetëvendosjes, Albin Kurti, me anë të një postimi në rrjetin social Facebook ka kujtuar në shtatë vjetorin e vdekjes politikanin, Arbën Xahferi.

Kurti ka thënë se Xhaferi ka hyrë me shumë dije në politikë dhe ka prodhuar shumë dije në politikë.

“Sepse mendimi i tij ka qenë mendim në ecje, mendim që nuk ndalej asnjëherë. Sëmundja që e kaploi njëmend e pasivizoi atë fizikisht, porse mendja e tij u bë më dinamike se kurrë më parë. Ashtu sikurse që në trupin e ngurtë ziejnë pafund atome e grimca tjera me shpejtësi marramendëse, ngjashëm në siluetën e ngadalësuar të Arbën Xhaferit punonte mendja e tij krijuese. Ndonëse i kufizuar dhe i dërrmuar nga Parkinsoni, shkrimet më të mira dhe më të fuqishme të Arbënit ishin pikërisht ato të dekadës së fundit të jetës së tij”, ka shkruar Kurti në Facebook.

(Kosova Sot Online)