Gani Koci reagon ndaj Ramush Haradinajt: Mirë që Rexhep Selimi ka këndu në Hagë e nuk ka qajtë si ti
Zëvendësministri i Zhvillimit Ekonomik nga radhët e PDK-së, Gani Koci, i është kundërpërgjigjur kryeministrit në largim, Ramush Haradinaj, për deklaratën e mbrëmshme për Rrustem Mustafën e Rexhep Selimin.
Haradinaj ka thënë në emision televiziv se përderisa ai është mbrojtur në heshtje, Rrustem Mustafa e Rexhep Selimi kanë kënduar në Hagë.
Koci përmes një postimi në Facebook ka thënë se Selimi e Mustafa kanë kënduar, mirë që s’kanë qarë si Haradinaj.
“Mirë që paskan kënduar, e nuk kanë qajtë si ti……! Pate deklaruar se po shkon me mbrojtë Kosovën dhe ke heshtë…!”, ka shkruar ai.
(Kosova Sot Online)
