Tadiq: Ndërkombëtarët mbështesin Vuçiqin, do të marrin nga ai atë çfarë duan për Kosovën

  • 23 gusht 2019 - 11:19
Tadiq: Ndërkombëtarët mbështesin Vuçiqin, do të marrin nga ai atë çfarë duan për Kosovën

Ish-presidenti i Serbisë, Boris Tadiq, thotë se përkrahë bojkotin e zgjedhjeve në Serbi. Sipas tij presidenti aktual e ka futur Serbinë në një situatë të abnormalitetit.

“Vuçiq ka sjellur abnormalitet në jetën tonë të përditshme”, ka thënë Tadiq, i cili është edhe psikolog me profesion, shkruan N1.

Sipas tij ideja për bojkot do të kontribuonte në normalizimin e situatës sociale dhe jo vetëm asaj politike.

“Ideja për bojkot të zgjedhjeve, kontribuon për normalizimin e situatës sociale, dhe jo vetëm situatën politike” ka shtuar ai.

“Vuçiq ka krijuar një situatë të padurueshme në vend. Duke injektuar shijen e tij të keqe, vulgaritetin, pavendosmërinë, agresionin dhe të gjitha format e tjera që karakterizohet personaliteti i tij. Ai solli një anomali në jetën tonë të përditshme”, ka potencuar tutje Tadiq.

Ndërkohë kërkesën e ndërkombëtarëve që opozita të mos bojkotojë zgjedhjet, e sheh si një përpjekje për të mbajtur Vuçiqin në pushtet pasi që nga ai do të marrin çfarë duan për Kosovën, dhe jo sepse iu intereson demokracia në Serbi.

“Ata nuk e bëjnë këtë sepse besojnë në demokraci, por sepse duan të marrin nga Vuçiq atë që dëshirojn për Kosovën”, ka shtuar ndër të tjera Tadiq.

(Kosova Sot Online)