Djali i Adem Demaçit i bashkohet PDK-së

  • 27 gusht 2019 - 14:32
Djali i Adem Demaçit i bashkohet PDK-së

Shqiptari, djali i veprimtarit Adem Demaçi i është bashkuar Partisë Demokratike të Kosovës.

Kështu ka bërë të ditur kryetari i PDK-së Kadri Veseli.

Postimi i Veselit:

Adem Demaçi nuk u mposht asnjëherë. Ishte frymëzuesi më i madh për ne, brez pas brezi, në idealin e lirisë dhe rrugën e çlirimit. Bashkimin e shqiptarëve e kishte ideal jetësor, saqë edhe djalit ia kishte lënë emrin Shqiptar. 



Shqiptar Demaçi, djali i simbolit të rezistencës sonë kombëtare, një prej kirurgëve më të shquar, prej sot është pjesë e Partisë Demokratike të Kosovës.

Shqiptari është i përkushtuar që energjinë e tij ta drejtojë në shëndetësi dhe ambient. 

Ne jemi krenarë që jetuam në epokën e Adem Demaçit. Ne jemi krenarë që Shqiptar Demaçi, profesionist i dhe personalitet shumë i respektuar, u bashkua me ne.

(Kosova Sot Online)