Plagosja në Prishtinë, i dyshuari dorëzohet në polici

Sot në Prishtinë ka pasur të shtëna me armë zjarri ku si pasojë e kësaj një person ka mbetur i plagosur

Policia ka bërë të ditur se e ka identifikuar personin e dyshuar të cilit i ka bërë ftesë për t;u paraqitur në stacionin policor.

I dyshuari është dorëzuar në polici, po ashtu ka dorëzuar edhe armën me të cilën dyshohet se ka shtënë.

“Policia e ka identifikuar personin e dyshuar dhe është vënë në kërkim të tij. Pas thirrjes nga ana e policisë, i njëjti është paraqitur në stacionin e policisë dhe e ka dorëzuar armën me të cilën dyshohet se ka shtënë. Rasti është iniciuar si tentim vrasje. I dyshuari është dërguar në mbajtje me urdhër të prokurorit dhe është konfiskuar arma”, ka thënë zëdhënësja e policisë për Rajonin e Prishtinës, Flora Ahmeti.

(Kosova Sot Online)