Niveli i ujit në Badovc dhe Batllavë dukshëm më i ulët, ja sa ka rënë

  • 15 tetor 2019 - 10:34
Niveli i ujit në Badovc dhe Batllavë dukshëm më i ulët, ja sa ka rënë

Kompania Rajonale e Ujësjellsit Prishtina (K.U.R.) ka njoftuar se niveli i ujit në liqenin e Badovcit dhe atë të Batllavës ka rënë dukshëm nën kuotën maksimale të nivelit mbidetar.

Niveli i ujit në liqenin e Badocit është minus 8.10 metra nën kuotën maksimale, ose 641.75 m mbi nivelin e detit, ndërsa niveli i ujit në liqenin e Batllavës minus 7.65 metra nën kuotën maksimale ose 627.45 metra mbi nivelin e detit.

Sipas K.U.R., gjatë ditës së djeshme janë lajmëruar gjithsej 36 raste nga ana e konsumatorëve në ujësjellësin e Prishtinës, ku shumica nga ato janë rrjedhje të ujit të pijshëm.

Ekipet e mirëmbajtjes së rrjetit të ujit dhe kanalizimit ishin dje në teren nga ora 09:00 dhe vazhduan me punë në teren deri në orën 22:00.

Për shkak të pamundësisë që të sanohen të gjitha rastet e lajmëruara ditën e djeshme, do vazhdohet edhe ditën e sotme.

(Kosova Sot Online)