Rama merr një goditje nga Haradinaj: Minishengeni ka për qëllim zgjerimin e ndikimit rus e kinez

Kryeministri në detyrë i Kosoëvs, Ramush Haradinaj ka folur sot në një paraqitje para gazetarëve për minischengenin ballkanik, të cilën e ka quajtur influencë të rusve dhe kinezve me epiqendër në Beograd.

Haradinaj ka thënë se minischengeni nuk është interes i Kosovës, e se nuk lidhet asgjë me procesin e liberalizimit të vizave.

“Më lejoni të them diçka për minishengenin, ju pytni a është minishengeni, çka po du me thanë liberalizimi është proces multiratel, Kosovë-Evropë, minishengeni është vetëm zgjerim, për të cilën po na fton Vuciqi Edi Rama, edhe Zaevi, është vetëm zvoglim i infulencës ruse në Ballkan. Nuk është interes i Kosoëvs as i Evropës, Rusia dhe Kina janë të instalume në të gjitha aspektet në Beograd. A ka interes Kosova që me u zgjeru influence ruse e kineze në Evropë. Nuk është në interes, është proces që ka vetëm zgjerimin e influencës ruse e kineze”, thotë Haradinaj.

Tutje, Haradinaj ka folur edhe për procesin e liberalizimit të vizave.

“Sa i përket liberalizimit, unë lexoj diplomatë, i lexova znj.Apostolova unë e di që ka plot skeptikë, ka edhe të atillë që s’kanë qef me pa liberalizimin, po mos  harroni se jemi në punë, ne e përmbyllim edhe një proces të rëndësishmëm, që me ndodh marrja e liberalizimit këtë vit, shpresoj që po. Unë muj me shku sot ata me ardh nesër, s’ka rëndësi kur jemi te liberalizimi”, shtoi ai.

Sa i përket zgjedhjeve të jashtëzakonshme, Haradinaj ka thënë se tashmë sovrani ka vendosur me votë e nuk duhet të shkohet në zgjedhje të reja.

“Zgjedhjet kanë qenë më të mirat të mundshme. Ne duhet të bëjmë reform zgjedhorë t’I shkurtojmë këto kohë të ankesave. Ne duhet t’i ndryshojmë, nuk kam ndonjë koment se cila parti hyn në parlament. Aleanca është në opozitë e kemi njoftu pozicionin tonë, nuk kemi bërë as ankesa. Niherë është herët me fol për zgjedhje të reja.

Nuk ka kuptim me fol për zgjedhje tash, do të flasim për implementim të rezultatit zgjedhorë, duhet të jemi të respektueshëm ndaj gjithë asaj që ka ndodhë, sovrani është deklaru, nëse dështon implementimi kuptohet se do të shkoht në zgjedhje”, ka përfunduar ai.

(Kosova Sot Online)