Gjykata britanike liron me kusht vrasësin shqiptar
Një prej shumë të kërkuarve nga drejtësia shqiptare, pasi është dënuar në mungesë për vrasje është lënë i lirë me kusht nga një gjykatë angleze për të vijuar procesin e ekstradimit.
Top Channel ka mësuar se pas 24 vitesh në arrati, skuadra e ekstradimeve mundi të kapë Arjan Hoxhën, i dënuar me 23 vite burg për vrasjen e Ramadan Bregut dhe tentativë vrasjeje të Nefail Bregut, më 12 prill të vitit 1995.
Duke iu referuar dokumenteve të ekstradimit, rezulton se 50-vjecari Hoxha për plot 25 vite duke përdorur një identitet të rremë fshihej në Angli. Fillimisht gjykata e ekstradimeve vendosi arrest me burg pasi e konsideroi me rrezik për t’u fshehur, por pas kërkesës së avokatëve dhe një garancie pasurore prej 40.000 stërlinash u la i lirë me kusht.
Top Channel raportoi një vit më parë se e njëjta gjykatë në Londër la të lirë me kusht një tjetër vrasës shqiptarë. Hektor Mahmutaj, një prej shqiptarëve më kërkuar nga drejtësia shqiptare u zhduk pasi u la i lirë me kusht.
(Kosova Sot Online)
