Nuk e respektuan masën e arrestit shtëpiak, arrestohen dy të mitur në Prizren
Dy të mitur janë arrestuar të mërkurën në Prizren, pasi nuk e kanë respektuar masën e arrestit shtëpiak.
Rasti ka ndodhur pasditen e së mërkurës në rrugën “Joni” në Prizren, bën të ditur Policia e Kosovës në raportin 24 orësh.
“Janë arrestuar dy të dyshuarit e mitur kosovarë, të cilët nuk e kanë respektuar masën e arrestit shtëpiak të lëshuar nga gjykata nga data 27.02.2020 deri 27.03.2020, verifikimin e të cilëve e ka bërë njësiti policor dhe nuk i ka gjetur në shtëpi”, thuhet në raport.
Të dyshuarit me vendim të gjyqtarit janë dërguar në Qendrën e Paraburgimit në Lipjan.
(Kosova Sot Online)
