Lumir Abdixhiku: Në gjithë këtë krizë, megjithatë, ka një lajm të mirë

Ministri në detyrë i Infrastrukturës, Lumir Abdixhiku ka deklaruar sot se cilësia e ajrit në kohë të pademisë është përmirësuar rrënjësisht në Kosovë.

“E në gjithë këtë krizë, megjithatë, ka një lajm të mirë. Si rezultat i reduktimit drastik të qarkullimit e aktivitetit publik, cilësia e ajrit nëpër qytetet tona është përmirësuar rrënjësisht, Përqendrimet e Dioksidit të Azotit (NO2) kanë rënë për plot 50%”, ka shkruar në Facebook Abdixhiku duke deklaruar se këto të dhënë i ka marrë sot nga Agjencioni për Mbrojtjen e Mjedisit dhe Instituti Hidrometeorlogjik; të dyja trupa në kuadër të Ministrisë.

“Rrini në shtëpi. Edhe pak. Kur të dalim, të mendojmë seriozisht për transformim rrënjësor të transportit publik”, ka bërë apel ministri në detyrë.

(Kosova Sot Online)