Hamiti për letrën franko-gjermane rreth dialogut: A është fundi i mosfunksionimit të BE’së?
Ish-ambasadori i Kosovës në Britaninë e Madhe, profesori Muhamet Hamiti, ka komentuar letrën e përbashkët të Francës dhe Gjermanisë për dialogun dhe arritjen e një marrëveshje ndërmjet Kosovës dhe Serbisë.
Hamiti ka pyetur nëse kjo letër do të shënojë fundin e mosfunksionimit të BE’së, meqë tashmë Berlini dhe Parisi flasin më tepër për një ndërmjetësim më të fortë dhe vendosmëri politike.
“A është ky fundi i mosfunksionimit të BE-së? Ministrat e jashtëm francez dhe gjermanë flasin për “ndërmjetësim më të fortë dhe vendosmëri politike” sesa për rolin e lehtësimit të BE-së në dialogun Kosovë-Serbi për të zgjidhur kontestet pazgjidhura midis dy vendeve”, ka shkruar Hamiti.
Ministrat e Punëve të Jashtme të Gjermanisë dhe Francës sot përmes një letre të përbashkët kanë shkruar për rinisjen e dialogut Kosovë-Serbi, derisa kanë potencuar se nuk dëshirojnë një marrëveshje të shpejtë.
Is this the end of #EU obfuscation? The French and German foreign ministers speak of “more robust mediation and political resolve” rather than the EU ‘facilitation’ role in the Kosovo-Serbia dialogue to resolve outstanding issues between the two countries.https://t.co/rNZErNpsr5
— Muhamet Hamiti (@MuhametHamiti) May 23, 2020
(Kosova Sot Online)