Pesë nga 14 rastet e reja në Prishtinë nuk dihet se si janë infektuar me koronavirus

Drejtori i Shëndetësisë në Prishtinë, Bujar Gashi, ka thënë se nga14 rastet e fundit me koronavirus, 5 prej tyre janë lajmëruar në Klinikën Infektive, të cilët nuk janë raste kontakti dhe nuk dihet se nga janë infektuar.

“Ekzistojnë raste të cilat i testojnë në komunën e Prishtinës, të cilat janë raste kontakti, numri i rasteve të cilët janë lajmëruar direkt në Klinikën Infektive, janë 5, të cilët pritet që të kuptojmë për mënyrën se si janë infektuar”, ka thënë Gashi.

Ndërkaq, për fëmijët e dy çerdheve në kryeqytet, janë marrë mostrat për testim por ende nuk ka dalur rezultati i tyre.

“Aktualisht ne sot kemi marrë testimet e mostrave të cilat janë marrë me datën 16, ndërkaq ato të djeshmes dhe sot, realisht ne mund t’i presim pas dy ditëve, që i bie me datën 20, të fëmijëve të dy çerdheve”, është shprehur Gashi.

(Kosova Sot Online)