Reagon Ambasada e SHBA’së drejton kritika ndaj të gjithëve në Kuvend: Po humbni kohë me sulme personale

G.G /
11 July 2020 - 13:20

Ambasada amerikane në Kosovë ka reaguar pas përplasjes së mbrëmshme në Kuvendin e Kosovës.

Përmes një reagimi në faqen zyrtare në Twitter, ambasada e ShBA’së ka deklaruar se Kuvendi i Kosovës ka humbur kohë me sulme personale në vend se të kryej punën e tij, duke shtuar se populli i Kosovës meriton më mirë.

“Dy muaj më parë ne u bëmë thirrje të gjitha palëve të ulin retorikën e politizuar dhe të bashkohen për të zgjidhur krizat ekonomike dhe shëndetësore. Kuvendi ka humbur kohë në shpërqëndrime dhe sulme personale në vend që të kryejë përgjegjësitë e tij. Populli i Kosovës meriton më mirë”, thuhet në reagim.

Ndaj përplasjes së mbrëmshme mes Kryetares së Kuvendit Vjosa Osmani dhe deputetit të LDK’së, Xhavit Ukaj ka reaguar edhe ambasadorja dhe shefja e Zyrës së BE’së, në Kosovë, Nataliya Apostolova duke thënë se tentimi për dhunë në Kuvend sidomos ndaj një gruaje që është kryeparlamentare është e papranueshme.

Two months ago, we called on all parties to lower the politicized rhetoric and to unite to solve the economic and health crises. The Assembly has wasted time on distractions and personal attacks instead of carrying out its responsibilities. The people of #Kosovo deserve better.
— U.S. Embassy Pristina (@USEmbPristina) July 11, 2020