Maloku e Murati përplasen rreth testimeve për COVID-19 që kanë kryer zyrtarët e LDK’së e VV’së

  • A.P /
  • 14 korrik 2020 - 11:30
Maloku e Murati përplasen rreth testimeve për COVID-19 që kanë kryer zyrtarët e LDK’së e VV’së

Deputetja e LDK’së, Doruntinë Maloku ka deklaruar sot në seancë të Kuvendit se në kohën sa ishte Albin Kurti në krye të Qeverisë kabineti i tij kishin qenë të privilegjuar e të parët kishin kryer testet për COVID 19.

Maloku ka thënë se ajo e disa deputetë tjerë të LDK’së kanë kryer testet pasi që shefi i grupit parlamentar Arben Gashi e sekretari i Kuvendit rezultuan të infektuar me koronavirus.

“S’ka qenë fshehtësi që disa deputetë të LDK’së duke më përshirë edhe mua edhe stafi politik janë testuar së bashku edhe disa deputetë të partivë tjera përfshirë edhe administratën e Kuvendit pasi shefi i grupit tonë parlamentar e sekretari i Kuvendit rezultuan pozitiv”, ka thënë ajo, duke përmendur testimet e zyrtarëve të ish’qeverisë Kurti.

“Personat e parë me funksion të lartë publik që kanë qenë të privilegjuar, e theksoj të privilegjuar, për tu testuar kanë qenë zyrtarë të lartë të LVV’së. Për pikë të qefit, kabineti i ish’kryeministrit, të gjithë ministrat e zyrtarë tjerë janë testuar me të filluar pandemia”, tha Maloku.

Në emër të grupit parlamentar të LVV’së kësaj deklarate të deputetes së LDK’së i ka reaguar Hekuran Murati.

“Është pikërisht grupi parlamentar i LDK’së që nuk e votuan ligjin anti COVID. Edhe njëherë ta theksoj se ky është versioni i hipokrizisë. Përveç deputetëve kemi pas edhe anëtarë tjerë të LDK’së që janë testuar me gjithë familjen, e tash ka qytetarë që edhe nëse kanë simptoma ju thonë shkoni në shpi e izolohuni”, tha Murati.'

(Kosova Sot Online)