Bashkëshortja shkruan fjalë prekëse për Qerim Kelmendin

  • A.P /
  • 28 shtator 2020 - 17:09
Bashkëshortja shkruan fjalë prekëse për Qerim Kelmendin

Arjeta Kelmendi, bashkëshortja e ish-pjesëtarit të UÇK’së, Qerim Kelmendit, i cili ishte gjetur pa shenja jete dhe i djegur në veturën e tij në shkurt të këtij viti, e ka përkujtuar burrin e saj përmes një postimi në rrjete sociale.

Ajo ka publikuar një fotografi nga varri i Qerimit, sipër së cilës ka shkruar disa fjalë prekëse për të.

“Ditët po ikin, e malli po shtohet. Gjithmonë në zemrën time”, ka shkruar ajo sipër fotos.

Ndryshe, trupi i Qerim Kelmendit, ishte gjetur pa shenja jete dhe i djegur në veturën e tij në shkurt të këtij viti në fshatin Zahaq të Pejës. Për vrasjen e tij, familjarët e kanë drejtuar gishtin nga shërbimet sekrete serbe. Deri tash, nuk ka asnjë të arrestuar për këtë rast.

Image


(Kosova Sot Online)