Lexoni edhe:
Zotimi i avokatit të Gucatit: Nëse e lironi me kusht, do të rrijë 100 metra larg zyrës së OVL-së
Arrest shtëpiak për 12 personat që bënë dallavere me armë
Gjykata Themelore në Prishtinë ka njoftuar se ka vendosur masën e arrestit shtëpiak ndaj 12 të pandehurve, B.M., S.R., I.R., B.U., S.K., F.P., P.M., A.C., A.F., K.S., A.S., dhe B.H., për shkak se dyshohet se kanë kryer veprën penale “Importi, eksporti, furnizimi, transportimi, prodhimi, këmbimi, ndërmjetësimi ose shitja e paautorizuar e armëve apo materieve plasëse” lidhur me veprën penale, “Pjesëmarrja ose organizimi i grupit kriminal të organizuar” .
Kjo masë u vendos pasi që Gjykata e Shkallës së Parë vlerësoi se kërkesa për caktimin e paraburgimit nuk është e bazuar.
Ky aktvendim erdhi pasi gjyqtarja e procedurës paraprake konstatoi se 12 të pandehurit mund të pengojnë rrjedhën e procedurës penale duke ndikuar në bashkëpjesëmarrës tjerë.
“Gjyqtarja e procedurës paraprake pas mbajtjes së seancës dëgjimore dhe pas analizimit të shkresave të lëndës gjeti se kërkesa e Prokurorisë Speciale të Republikës së Kosovës për caktimin e paraburgimit nuk është e bazuar, andaj dymbëdhjetë të pandehurve iu ka caktuar masën e arrestit shtëpiak, pasi që të pandehurit mund të fshehin, apo të ndryshojnë provat e veprës penale, mund të pengojnë rrjedhjen e procedurës penale duke ndikuar në bashkëpjesëmarrës tjerë, andaj caktimi i masës së arrestit shtëpiak për të pandehurit, është masë e mjaftueshme për sigurimin e pranisë së tyre në procedurë penale”, thuhet në njoftimin e kësaj gjykate.
Palët kanë të drejtën e ankesës kundër këtij vendimi në Gjykatën e Apelit të Kosovës.
(Kosova Sot Online)
