Lexoni edhe:
Alarmante: 711 raste me COVID-19 në Kosovë brenda 24 orëve
Ia kishte bërë “përshesh” fjalimin Trumpit, Pelosit i premtohet hapësirë në Zyrën Ovale nga Bideni
Presidenti i zgjedhur i Shteteve të Bashkuara, Joe Biden, i ka thënë kryetares së Dhomës së Përfaqësuesve, Nancy Pelosi, se pasi ta fillojë punën në Shtëpinë e Bardhë, ajo do të ketë hapësirë në Zyrën Ovale, ku nuk ka qenë për më shumë se një vit.
“Në Zyrën time Ovale, mi casa, you casa (variant i shprehjes spanjolle, që d.m.th. shtëpia ime, shtëpia jote). Do të më nevojitesh”, i tha Bideni Pelosit duke e shikuar në sy gjatë një komunikimi shumë të shkurtër të cilin patën mundësi ta incizonin mediet. “Shpresojmë se do të kalojmë shumë kohë së bashku”, shtoi ai.
Të pranishëm në tavolinën me tryezë ishin edhe lideri i pakicës në Senat, Charles Schumer, dhe nënpresidentja e zgjedhur e Shteteve të Bashkuara, Kamala Harris, shkruan Daily Mail, transmeton Gazeta Express. Të gjithë zyrtarët e lartë ishin me maska.
Ndonëse Bideni nuk e përmendi këtë fakt, mungesa e Pelosit në Shtëpinë e Bardhë është vërejtur në Uashington. Mungesa e saj ka qenë shenjë e përçarjeve dhe raporteve jo të mira mes demokratëve të Kongresit dhe presidentit në largim, Donald Trump.
Trumpi vazhdimisht e ka kritikuar dhe e ka sulmuar me fjalë zonjën Pelosi, e cila vitin e kaluar këmbënguli që kreu në largim i Shtëpisë së Bardhë të hetohej.
Në shkurt të këtij viti, pasi Trumpi e kishte përfunduar fjalimin në Kongres në Uashington, nuk ia zgjati dorën zonjës Pelosi, ndonëse ajo e bëri një gjë të tillë. Disa sekonda më pas, ajo u pa duke i shqyer fletët ku ishte i shkruar fjalimi i Trumpit.
(Kosova Sot Online)
