Lexoni edhe:
16-vjeçari dyshohet se vrau prindërit dhe dy vëllezërit
Çështja e presidentit dhe dialogu, Hoti në takim virtual me Beyer
Kreu i Qeverisë, Avdullah Hoti ka zhvilluar një takim virtual me raportuesin për Kosovën në Asamblenë Parlamentare të Këshillit të Evropës, Peter Beyer.
Kjo është bërë e ditur përmes një njoftimi të nisur nga zyra për media e kryeministrisë.
Në njoftim thuhet se Hoti dhe Beyer biseduan për gjendjen e pakicave, lirinë e medias dhe zhvillimet aktuale në vend, tema këto që do të jenë pjesë e raportit ‘’Situata në Kosovë’’.
Temë e diskutimit ishte edhe situata aktuale në vend, sfidat që ka shkaktuar pandemia Covid-19 dhe masat të cilat i ka marrë qeveria deri më tani për të menaxhuar situatën.
Kryeministri Hoti ngriti edhe çështjen e Presidentit, ku theksoi gatishmërinë e subjekteve politike për të arritur një zgjidhje, ndërkohë që nënvizoi se nëse nuk do të ketë zgjidhje për këtë çështje vendi duhet të shkoj në zgjedhje.
Në këtë takim u bisedua edhe për procesin e dialogut Kosovës-Serbi i cili aktualisht po zhvillohet në nivel të ekspertëve. Me këtë rast Kryeministri Hoti theksoi se deklaratat kërcënuese nga zyrtarë të lartë të Serbisë nuk e ndihmojnë këtë proces.
(Kosova Sot Online)
