Lexoni edhe:
Abdixhiku e konfirmon kandidaturën për kryetar të LDK’së
8 marsi mes pritjes, protestës dhe festës
Gratë në qendrën e të moshuarve kanë pritur për vizita, para qeverisë mbahet një aksion simbolik
Pothuajse gjithë dita u shkoi me sy nga dyert e shtëpisë së të moshuarve ku po qëndrojnë tash e disa vite.
Gjendja me pandeminë bëri që gratë që qëndrojnë këtu të mos kenë vizitorë.
Disa nga to këtë mundësi e patën vetëm nga distanca dhe në kohë të shkurtër.
Gjevrije Syjlemani banore në këtë qendër ka thënë se në vitet e kaluara kjo festë ka qenë më e gjallërishme sepse kanë pasur vizita nga nxënësit e shkollave të ndryshme por këtë vit vizita të tilla janë anuluar për shkak të pandemisë.
E Shinasije Salihu një banore tjetër ka treguar se pandemia i ka ngujuar në atë qendër tash e një vit prandaj edhe organizime për këtë festë nuk ka pasur.
Mjekët e kësaj qendre ua kanë ndaluar vizitat në mënyrë që të mos rrezikohet shëndeti i tyre.
Por ndrshe është jashtë kësaj qendre.
Dikush tjetër këtë festë po e konsideron si shumë të rëndësishme.
E një tjetër thotë se i dha urimet me të mira gruas së tij.
Por urimet, dhuratat e ckado tjetër për këtë festë të gruas, janë të pamjaftueshme në krahasim me sjelljen ndaj tyre, shkeljen e të drejtave dhe pabarazinë.
Prandaj Qendra për Informim, Kritikë dhe Aksion ka mbajtur një aksion simbolik, para ndërtesë së Qeverisë së Kosovës.
Aty ishte vendosur një tavolinë buke, e cila u rrëzua si formë proteste për shkeljen e të drejtave të grave.
Leonida Molliqaj, drejtoreshë e “Qika” ka kërkuar që të njihet kontributi i grave dhe punët të ndahën në mënyrë të barabartë.
Ajo ka kërkuar që gratë të çlirohën nga shtypja brenda dhe jashtë shtëpisë dhe të bëhet më shumë për fuqizimin e saj.
Ajo ka kërkuar që të përmbysen rolet gjinore ashtu siç u përmbys ajo tavolinë.
8 marsi nderkombëtarisht njihet si festa e gruas.
(Kosova Sot Online)
