Lexoni edhe:
Në Dragash shfaqet sërish një arushë, shikoni pamjet
“Kosovarët më të interesuar se serbët për integrim në BE”
Qendra Kosovare për Studime të Sigurisë (QKSS) sot ka mbajtur një konferencë për medie, ku u tha se kosovarët janë më të interesuar se serbët për integrim në BE.
Kjo konferencë u thirr me rastin e lansimit të dy raporteve të fundit në serinë e publikimeve të dala nga anketa e kryer nga QKSS “Barometri Kosovar i Sigurisë”.
Gjetjet e këtij raporti treguan se 92 për qind e të anketuarve kosovarë e mbështesin integrimin e Kosovës në Bashkimin Evropian.
Për dallim nga Kosova, vetëm 43 për qind e të anketuarve serbë e mbështesin integrimin e Serbisë në Bashkimin Evropian.
“Edhe pse Kosova është përkrahëse e madhe për integrim në Bashkimin Evropian, qytetarët kanë vërejtur se BE aplikon standarde të dyfishta sa i përket çështjes së liberalizimit të vizave”, ka thënë Plator Avdiu nga QKSS.
“Sipas të anketuarve, prioriteti i parë për integrimin e Kosovës në BE është luftimi i korrupsionit”.
(Kosova Sot Online)
