Lexoni edhe:
Haxhiu merr vendimin e parë si ministre e Drejtësisë
Vdes stomatologu i parë shqiptar në komunën e Gjilanit: Isuf Ismaili
Oda e Stomoatologëve të Kosovës, njofton për vdekjen e doktor Isuf Ismaili, njëherit stomatologu i parë shqiptar në komunën e Gjilanit.
“Dr. Ismaili ka qenë specialist i Protetikës Stomatologjike dhe ka shërbyer fillimisht në Shtëpinë e Shëndetit në Gjilan dhe më vonë në Prishtinë ku dhe është pensionuar. Kjo është një humbje e madhe jo vetëm për familjen, por edhe për gjithë komunitetin tone”, thuhet ndër të tjera në njoftim.
Njoftimi i plotë i tyre:
Ndahet nga jeta sot në moshën 84 vjeçare Primarius Dr. Isuf Ismaili, doajen i stomatologjisë kosovare, njëherit stomatologu i parë shqiptar në komunën e Gjilanit.
Dr. Ismaili ka qenë specialist i Protetikës Stomatologjike dhe ka shërbyer fillimisht në Shtëpinë e Shëndetit në Gjilan dhe më vonë në Prishtinë ku dhe është pensionuar. Kjo është një humbje e madhe jo vetëm për familjen, por edhe për gjithë komunitetin tonë.
Oda e Stomatologëve të Kosovës vlerëson lartë kontributin e tij profesional dhe shpreh ngushëllimet më të sinqerta familjarëve, miqëve dhe kolegëve të tij.
(Kosova Sot Online)
