Lexoni edhe:
Toniku natyral që mund ta zëvendësojë secilin antibiotik
Foshnja 6 muajshe gjendet gjallë nën rrënoja pas dy ditësh gërmime
Ekipet e kërkim shpëtimit në Kajro të Egjiptit kanë nxjerrë të gjallë nga rrënojat një foshnje 6 muajshe pas dy ditësh gërmime, ndërsa fatkeqësisht nëna, babai, vëllai dhe motra kanë humbur jetën nën rrënojat e një ndërtese të shembur.
Gjendja e foshnjës është e qëndrueshme, tha një zyrtar nga agjencia e mbrojtjes civile.
Autoritet njoftojnë se numri i personave që humbën jetën nga kjo fatkeqësi është 25, ndërsa dhjetëra të tjerë mbetën të plagosur. Autoritetet po hetojnë për rrëzimin e ndërtesës, një fenomen jo i rrallë në Egjipt.
Mediet vendase shkruajnë se ndërtimi i dobët dhe shtesat e kateve janë shumë të përhapura në lagjet e varfra dhe zonat rurale, gjë që sjell edhe shembjen e tyre nën vete.
Çmimet e larta të pasurive të patundshme në Kajro bën që ndërtuesit të kërkojnë fitime gjithnjë e më të mëdha ndërsa shkelin parametrat e caktuar në lejet e ndërtimit, duke ndërtuar shpesh kate shtesë pa lejet e duhura inxhinjerike.
Së fundmi, qeveria ka filluar një goditje të këtyre akteve korruptive ndërsa zyrtarë dhe ndërtues ndodhen pas hekurave për shkelje të lejeve të ndërtimit.
(Kosova Sot Online)
