Lexoni edhe:
Lirohet pas 20 vjetësh burri që u dënua për vjedhjen e dy këmishëve
Vrasja e 50-vjeçarit shqiptar për tubin e ujit në sy të vajzës
Të tjera detaje dalin në dritë nga vrasja e 50-vjeçarit sot në Luzni të Dibrës. Muhamet e Altin Mera 30 e 42 vjeç qëlluan me armë zjarri automatik Xhetan Konesha, ndaj të cilit u shkrep një karikatorë e tërë, duke e lënë të vdekur. 50-vjeçari ka mbërritur i vdekur në spital.
Sipas dëshmive të bashkëfshatarëve të autorëve dhe viktimës, dëshmitare e skenës së krimit u bë vajza 18-vjeçare e viktimës, e cila sapo do të ikte bashkë me babain e saj me furgon drejt qytetit. Dëshmitar i ngjarjes u bë edhe një djalë i ri, i cili madje ishte kërcënuar. “Do të vrasim edhe ty”, mësohet t’i kenë thënë dy vëllezërit bashkëfshatarit të tyre.
Po ashtu, banorët bëjnë me dije se sherri mes viktimës dhe dy vëllezërve ishte i hershëm, ndërsa në verë ata ishin zënë në lokalin e fshatit. ‘Mollë sherri’ mes dy familjeve ishte bërë uji i vaditjes, pasi në muajin gusht dy vëllezërit i kishin prerë tubat e vaditjes Xhetan Koneshës.
(Kosova Sot Online)
