Lexoni edhe:
Shteti arreston kreun e dyshuar të një bande kriminale
Banda meksikane përdor dronë për të lëshuar mjete shpërthyese mbi policinë
Disa kriminelë të dyshuar në Meksikë kanë përdorur dronë për të hedhur mjete shpërthyese mbi forcat e sigurisë, duke lënduar dy policë.
Oficerët mendojnë se grupi i fuqishëm mafioz, “Gjenerata e Re e Kartelit Jalisco” qëndron prapa sulmit të së martës në rajonin perëndimor, Michoacan, shkruan BBC.
Në gusht të vitit të kaluar, dy dronë u gjetën në një veturë të një anëtari të dyshuar të këtij grupi mafioz.
Dronët mendohet se janë armët më të reja që po përdoren në luftën e përgjakshme mes bandave të drogës dhe forcave të sigurisë në Meksikë.
Nuk janë publikuar shumë hollësi për sulmin e së martës, por mediet lokale thanë se në këtë rast janë përdorur dy dronë.
Policët e plagosur nga ky sulm ishin dërguar për t’i hapur rrugët e bllokuara që dërgojnë në qytetin Aguililla, të cilat ishin bllokuar nga banda për t’ia pamundësuar qarkullimin forcave të sigurisë.
(Kosova Sot Online)
