Lexoni edhe:
A u takuan zyrtarët e PDK-së me Kadri Veselin, tregon Hajdar Beqa
Zeka reagon për faljen e 11 milionëve për rrymën e serbëve të Veriut
Gazetari Milaim Zeka ka reaguar pasi deputetët e Lëvizjes Vetëvendosje dhe ata të Listës Serbe u bënë bashkë sot për ta miratuar në Kuvendin e Kosovës propozimin që shteti t’i ndajë mbi 10 milionë euro për t’ua paguar rrymën serbëve në veri të Kosovës.
Zeka përmes një postimi në Facebook ka thënë se dikur deputetët e Vetëvendosjes shanin e shkumonin kunër kësaj pagese.
“Foto historike: Deputetete e VV dhe ata te Listes Serbe, u bane bashke per ta votuar 11 milionshin per faturat serbe te rrymes.Dikur shanin, shkumonin, çirreshin e shkelmonin, kunder kesaj pagese.A thu kush na ka mallku kaq rende, e kaq keq?! A thu ciki virus nga ka shperla trurin?! A thu sa shekuj vuajme nga harresa kolektive”, ka shkruar Zeka.
Me 61 vota për, deputetët e LVV-së së bashku me ata të “Srpskas” i kanë miratuar rekomandimet e Komisionit për Ekonomi, Industri, Ndërmarrësi dhe Tregti lidhur me propozimin që Operatori i Sistemit, Transmisionit dhe Tregut të energjisë elektrike të Kosovës (KOSTT) të marrë përgjegjësinë për pagesën e rrymës për serbët në katër komunat veriore.
Kjo praktikë kritikohej ashpër nga LVV-ja kur partia e Kurtit ishte në opozitë, por ky vendim që u kritikua nga partitë opozitare tash, u mor në mbledhjen e Komisionit për Ekonomi, Industri, Ndërmarrësi dhe Tregti para një jave dhe u mbrojt fort nga shefja e Grupit Parlamentar të LVV-së, Mimoza Kusari-Lila.
(Kosova Sot Online)
