Tre persona i qërojnë hesapet me sëpatë e shpatë samurajësh në plazh

Tre persona kanë pësuar lëndime gjatë përleshjes me sëpatë e shpatë samurajësh në Angli. Rasti ndodhi vetëm pak qindra metra larg shtëpive të futbollistëve të Premier Ligës angleze.

Shërbimet emergjente u thirrën për një rast në Merseyside rreth orës 19:10 të dielën, ndërsa tre personat e përfshirë në përleshje u dërguan në spital përmes helikopterit.

Lexoni edhe:

Lajçak e Palmer mëngjes pune me komunitetin ndërkombëtar në Kosovë

Një dëshmitar tha se një burrë u sulmua me sëpatë dhe shpatë samurajësh gjatë një lufte të organizuar, shkruan Daily Mail.

“Personi që po e humbte luftën nxori një sëpatë dhe e goditi personin tjetër me të. Shoku i tij pastaj nxori një shpatë samurajësh dhe e përdori atë, gjithashtu. Ishte gjë e keqe”, tha dëshmitari.

Në Rrugën “Viktoria”, e cila ndodhet afër vendit ku ndodhi përleshja dhe ku banojnë disa futbollistë të klubeve të Premier Ligës dhe disa milionerë, kishte numër të madh të policëve të hënën në mbrëmje.

(Kosova Sot Online)