Rreth 18 mijë qytetarë të Gjilanit janë vaksinuar deri tani kundër COVID-19

Në komunën e Gjilanit aktualisht janë 25 raste aktive me COVID-19, ka bërë të ditur kryetari i kësaj komue, Lutfi Haziri.

Ai ka thënë se deri tani në këtë komunë janë vaksinuar 17 mijë e 697 qytetarë.

Haziri, ka apeluar te të gjithë qytetarët që të vazhdojnë të vaksinohen, si e vetmja mënyrë e imunizimit kundër këtij virusi.

Gjendja e përgjithshme në Gjilan që prej fillimit të pandemisë COVID-19 është si vijon: nga 22,098 testime, 6,554 kanë rezultuar pozitiv, 6,382 janë shëruar, 147 qytetarë e kanë humbur betejën, 17 pacientë po trajtohen në spitalin e përgjithshëm, ndërkaq 15 mostra janë në pritje për rezultat.

(Kosova Sot Online)