Lexoni edhe:
Latifi thotë se Kosova duhet ta mendojë shërbimin e detyrueshëm ushtarak
Zemaj: ‘Mindil’ Vitia s’e ka plan ruajtjen e shëndetit, e ka hallin e fushatës
Ish-ministri i Shëndetësisë, Armend Zemaj, po thotë se Qeveria Kurti dhe ministri i Shëndetësisë Arben Vitia, nuk kanë plan e as zgjidhje për ruajtjen e shëndetit të qytetarëve.
Zemaj ka shkruar në Facebook se qendrat e vaksinimit po shndërrohen në shpërndarës të infeksionit.
“Dërgimi në rrugën e infeksionit e jo parandalimit me vaksinë. Çka është ky, menaxhim? JO! Ky është tmerr. Deri sa qendrat e vaksinimit po shndërrohen në shpërndarës të infeksionit, sikurse pamjet e sotme në Prizren e Gjakovë, ku edhe ashtu kemi rritje enorme brenda ditësh të rasteve spitalore e fatkeqësisht edhe numri i vdekjeve po rritet frikshëm”, ka shkruar Zemaj.
Zemaj thotë se Qeveria dhe ministri i Shëndetësisë, e kanë hallin e fushatës zgjedhore.
“Qeveria Kurti dhe “Mindil Vitia” s’kanë as plan dhe as zgjidhje për ruajtjen e shëndetit të qytetarëve dhe jetës së tyre. Kjo Qeveri ka hall tjetër, luksin e zyrave të qeverisë, agjendën populliste për vota dhe fushatën zgjedhore. Normal, edhe po bëjnë “praktikë”, me pushtet dhe me shëndet!”, ka shkruar Zemaj.
(Kosova Sot Online)
