Lexoni edhe:
Turqia heq dorë nga vendimi, nuk do t’i dëbojë 10 ambasadorët perëndimorë
Qytetari nga Mitrovica i bën lutje Qeverisë t’ia falë dënimin për rrymë pasi s’ka kushte ta paguajë
Nexhat Ademi është një qytetar nga Mitrovica, i cili mban familjen e tij 5 anëtarëshe përmes asistencës sociale.
Nexhat nuk është i punësuar, dhe thotë se kohë pas kohe angazhohet si punëtor krahu, por nuk ka as punë që të mund të punojë rregullisht.
Me kaq anëtarë në familje e kaq pak të ardhura, ai thotë se nuk po mundet t’i përballojë shpenzimet e obligimeve ndaj shtetit si rryma, uji e mbeturinat.
Gjykata Themelore në Mitrovicë e ka dënuar Nexhatin me 200 euro për mospagim të rrymës por ai nuk ka mundësi ta paguajë, dhe tash po rrezikon ta vuajë dënimin me burg. Atij i është thënë që deri më 5 nëntor të lajmërohet në Hajvali për vuajtjen e dënimit me burg.
Ai po kërkon zgjidhje nga Qeveria apo kushdo që mund t’i ndihmojë, pasi me të ardhurat e pakta që ka, nuk mund të rrezikojë edhe vuajtjen e dënimit me burg duke lënë familjen e tij 5 anëtarëshe.
Kujtojmë se me një hall të tillë nuk përballen banorët e veriut, kryesisht serbë, faturat e rrymës të të cilëve paguhen nga taksat e pjesës tjetër të qytetarëve.
(Kosova Sot Online)
