Forcat e ushtrisë në aksion shkak dalja e Vjosës nga shtrati

Forcat e ushtrisë ju kanë ardhur në ndihmë banorëve, që preken nga përmbytjet e lumit Vjosë në Fier. Siç shihet nga pamjet, janë 30 forca të ushtrisë, të cilët iu janë bashkuar punonjësve të emergjencave në terren.

Mësohet se forcat e ushtrisë do të operojnë në terren, në zonat ku ka nevojë për ndërhyrje. Gjithashtu, mësohet se me kërkesë të kreut të Shtabit të Emergjencave kanë zbarkuar në këtë zonë edhe dy varka.

Banorët e zonave të përmbytura në vështirësi, kërkojnë ndihmë mjekësore.

Ndërkohë, në fshatin Qarr po punohet me mjete të rënda për rregullimin e një ure, që është dëmtuar nga prurjet e shumta të lumit.

(Kosova Sot Online)